Junk DNA hugmyndin loksins dauð?

Í nokkra áratugi hafa þróunarsinnar haldið því fram að megnið af DNA mannsins sé drasl. Stærstur hluti DNA virtist vera óskiljanlegt og þá var stokkið á þá hugmynd að þetta væri bara drasl. Af hverju drasl? Af því að út frá þróunarkenningunni þá voru það tilviljanakenndar stökkbreytingar sem bjuggu til DNA mannkyns og þar af leiðandi mjög rökrétt að það væri aðalega rusl.

Þetta var einnig notað til að færa rök fyrir þróunarkenningunni. Þróunarsinnar sögðu að ef að góður hönnuður væri á bakvið DNA mannkyns þá væri ekki megnið af DNA eitthvað rusl.

Hérna kom einnig skýrt fram að sköpun gerir spár varðandi framtíðir vísindarannsóknir og oft þver öfugar spár við þróunarkenninguna. Góðar vísindakenningar gera spár um hvað framtíðar rannsóknir leiða í ljós á meðan lélegar kenningar hafa rangt fyrir sér. Jæja, núna virðist þetta vera komið á hreint að þessi spá þróunarkenningarinnar reyndist röng á meðan spá út frá hönnun reyndist rétt.

Ætli það láti einhverja þróunarsinna skipta um skoðun?  Líklegast ekki því að í huga flestra þá snýst þessi deila um sköpun þróun ekki um gögn og rök heldur um að vísindi er hið sama og guðleysi og það verður að útskýra allt án þess að Guð geti komist að.  Persónulega finnst mér vísindi snúast um að komast að sannleikanum um raunveruleikann og út frá því þá einfaldlega passar sköpun betur við hin vísindalegu gögn.

Hérna eru greinar og fréttir um þessar nýju rannsóknir:

Scientists debunk 'junk DNA' theory to reveal vast majority of human genes perform a vital function

Junk No More: ENCODE Project Nature Paper Finds "Biochemical Functions for 80% of the Genome"

( áhugavert að mbl hefur ekki greint frá þessu því þetta er líklegast ein af stærstu fréttum í vísindum í langan tíma )

Er allt í lagi að ryðjast inn í kirkjur og sviðsetja kynlífssenur

Flest ef ekki öll lönd hafa lög varðandi hegðun fólks á almannafæri. Menn sem spranga um naktir í Eskjuhlíðinni gætu þurft að borga sektir eða jafnvel dúsa inn í í smá tíma. Við íslendingar tökum svona hlutum með stakri ró enda ekkert sérstakt vandamál hérna en mörg önnur lönd taka miklu harðar á þessu. Eitt af þeim löndum er greinilega Rússland.

En er það virkilega verjandi að afsaka að hljómsveit troði sér óvelkomnar inn í kirkjur og setji þar á svið orgíur?  Mér þykir þetta mál allt saman mjög undarlegt og þá sérstaklega sá hópur manna sem er að verja þessa vitleysinga. Pútín er sannarlega gagnrýnisverður en að fara inn í kirkjur og hneyksla fólk er heimskuleg leið til að gagnrýna Pútín.

Ef ég er að misskilja eitthvað varðandi þetta mál hérna þá endilega leiðréttið mig.

Sagði Pussy Riot sviðsetja orgíur