Er hægt að kaupa sér aðgang að himnaríki?

17.4.2008 | 10:50

Er hægt að kaupa sér aðgang að himnaríki?

Ég sannarlega er ánægður með hennar viðhorf og vona að hún öðlist eilíft líf en það er samt eitt sem ég er hræddur um. Það sem margir halda er að maður getur keypt sér aðgang að himnaríki. Að maður getur einhvern veginn unnið sér inn rétt til að öðlast eilíft líf. En það er stór vandamál við þannig hugsunargang.

Ímyndaðu þér dæmdann morðingja sem stendur frammi fyrir dómaranum í máli hans og dómarinn er að fara að segja til um refsinguna. Rétt áður en dómarinn kveður upp dóminn þá reynir morðinginn að múta dómaranum til að láta hann sleppa sér. Bíður honum gull og græna skóga ef hann bara lítur undan og leyfi sér að fara án refsingu. Ég er engann veginn að halda því fram að Dame Anita Roddick hafi verið morðingi en hún var alveg jafn mikill syndari og ég og þú.

Ástæðan fyrir þessu er þessi:

Efesusbréfið 2:8-9
því að af náð eruð þið hólpin orðin fyrir trú. Þetta er ekki ykkur að þakka. Það er Guðs gjöf. ⁹Ekki byggt á verkum, enginn skal geta miklast af því.

Aðeins þeir sem sjá að þeir þurfa á náð að halda geta fengið náð. Þeir sem ætla að krefjast í mætti síns eigins góðmennski, þeirra eigin réttlætis, þeir munu þurfa að horfast í augu við öll þeirra verk, alla þeirra æfi þar sem jafnvel sérhver vond hugsun verður dregin fram í dagsljósið.

Matteusarguðspjall 15:18-20
En það sem út fer af munni kemur frá hjartanu. Og slíkt saurgar manninn. ¹⁹Því að frá hjartanu koma illar hugsanir, manndráp, hórdómur, saurlifnaður, þjófnaður, ljúgvitni, lastmælgi. ²⁰Þetta er það sem saurgar manninn

Lausnin er sú að maður er ekkert góður, maður á engann rétt á að ganga inn í himnaríki; alls engann. En góðu fréttirnar eru þær að Guð ákvað að sýna okkur miskun og sýna okkur Hans kærleika í verki með því að senda Son sinn til að borga gjaldið sem við eigum skilið svo að á dómsdegi þá mættum við fara frjáls til lífs.

Ég vona auðvitað að Roddick hafi dáið í sátt við Guð og muni rísa upp á efsta degi, ásamt þér lesandi góður.