Kannski núna komumst við til Mars?

Þar sem flestir af stóru nöfnum vísindanna voru sköpunarsinnar þá ætti það að vera öllum ljóst að sköpunarsinnar hafa mikinn áhuga á vísindum, sjá: 1000 ár af afrekum sköpunarsinna og Guðs

Sköpunarsinnar hafa þó nokkrar ólíkar skoðanir á stóru spurningum um uppruna. Sumir trúa á gamlan alheim, sumir trúa að jörðin sé gömul en lífið tiltuglega ungt eða innan við tíu þúsund ár.  Mín persónulega skoðun er að enginn veit aldur alheimsins og jarðarinnar en að Biblían er skýr að lífið hefur ekki verið lengi á þessari jörð eða innan við tíu þúsund ár.

Þegar kemur að fréttamönnum þá blanda þeir alveg saman þeim sem aðhyllast þróunarkenninguna nema þeir telja að sumt er betur útskýrt með hönnun vegna þess að stökkbreytingar og náttúruval virðast ekki geta yfirstigið ákveðnar breytingar.  Þetta eru menn eins og Michael Behe og Stephen Myers en þeir hafna sögu Biblíunnar, þeir aðeins aðhyllast Vitræna hönnun.

Sköpunarsinnar eru alveg eins og hvert annað fólk, þú þarft aðeins að finnast að forritunarmál, gífurlegt magn af upplýsingum og flóknar vélar séu best útskýrð með hönnun til að vera flokkaður sem sköpunarsinni af fjölmiðlum.  Þar sem flest af rökum sköpunarsinna koma frá vísinda uppgvötunum síðustu hundrað ára þá eru fáir jafn áhugasamir um aukin framlög til vísindarannsókna en sköpunarsinnar. 

NASA er örugglega í góðum höndum.

Afneitunarsinni yfir NASA

Athugasemdir

[Jón Páll Garðarsson, 16.1.2015 kl. 05:00]

Hvernig geta sköpunarsinnar verið hlynntir vísindum sem sýna okkur að lífið á jörðu sé mun eldra en 10000ár? Vísindin hafa leitt í ljós menjar um nútímamanninn 250000ár til baka og óstaðfestar menjar hafa fundist sem taldar eru 400000 ára gamlar.

[Mofi, 16.1.2015 kl. 08:34]

Jón Páll, vísindin hafa aflað okkur alls konar upplýsingar sem hægt er að reyna að lesa aldur í en allir þær aðferðir eru þannig að maður þarf að gera ályktanir um atriði sem við vitum ekki af því að um er að ræða órannsakanlega fortíð. 

Það sem fáir vita er að það eru enn fleiri staðreyndir sem gefa okkur ástæður til efast stórlega um öll þessi miljónir ára, sjá: https://answersingenesis.org/evidence-for-creation/the-10-best-evidences-from-science-that-confirm-a-young-earth/

Mikill aldur er samt heilög kú fyrir marga vísindamenn af því að án mikils aldurs þá er Þróunarkenningin fallin svo í staðinn fyrir að vera heiðarlega að leita að hver sannleikurinn er þá er drifkrafturinn að vernda sína trú að það er enginn Guð og við þróuðumst einhvernvegin.

[Jón Páll Garðarsson, 17.1.2015 kl. 08:05]

Það er nú þannig að við vitum ekki neitt, en samtímis teljum við okkur búa yfir þekkinga til að vita margt. Sameiginlegt með allri okkar vitneskju er að hún byggist öll á kenningum.
Ein kenningin er sú að sólkerfið fellur reglulega inn í sjálft sig og springur út aftur, aftur og aftur.
https://www.youtube.com/watch?v=NsMYdjpRGBg&index=1&list=UUxz5R9YQMRW5QqElbAlMqRw

[Mofi, 17.1.2015 kl. 13:48]

Það er slatti sem við vitum með ágætri vissu en þá á ég við það sem er mælanlegt og endurtakanlegt. Við eigum að geta byggt ágætlega áreiðanlegar kenningar á því en það er svo margt sem er óþekkt að maður á að hafa slatta af efasemdum þegar staðan er þannig.