Hverjum þökkuðu námumennirnir björgun sína?

Námumenn kvarta undan ágangi fjölmiðla

Athugasemdir

[Óli Jón, 18.10.2010 kl. 14:28]

Þetta er góð spurning.

En hver lét þá dúsa í myrkri holu í tvo mánuði fjarri fjölskyldu og vinum?

[Mofi, 18.10.2010 kl. 14:47]

Óli Jón, þetta er góð spurning, ég veit ekki svarið við henni.

[Rebekka, 18.10.2010 kl. 15:12]

Bíddu nú við.  Komu námumennirnir allir upp íklæddir svona bolum?  Hver lét þá fá þessa boli eiginlega?  Voru þeir bara: "hey, pöntum boli með biblíuversum og Jesú á, svo við getum verið í þeim þegar við komumst loksins upp úr þessari námu"?

Svo þykir mér leitt að kínverskir námumenn virðast ekki nógu merkilegir fyrir Guð til að bjarga þeim, en í Kína látast yfir 7000 námumenn árlega. 

Auðvitað er það frábært að þessir menn komust lífs af, en ég tel það af og frá að björgun þeirra sé guði að þakka. 

[Mofi, 18.10.2010 kl. 15:19]

Rebekka, ég þekki ekki málavexti, varðandi bolina og fleira. Ég  Það er síðan að ég best veit fólki að kenna að það gengur illa að bjarga þessum kínversku námumönnum. Það má kannski kenna Guði um það að láta þetta í okkar hendur...

[Einar Þór, 18.10.2010 kl. 17:00]

Mér finnst það bara argasti dónaskapur og vanvirðing við það fólk sem vann og barðist í 2 mánuði fyrir björgun þessara manna að fara að þakka gvuði fyrir björgunina. Í alvöru, hvað gerði gvuð þarna sem er þakkarvert?

[Mofi, 18.10.2010 kl. 17:33]

Einar Þór, ég er ekki í nokkrum vafa um að þessir menn voru þakklátir því fólki sem hjálpuðu þeim. Guð er kærleikur, án kærleika hefði enginn lagt í þá vinnu að hjálpa þeim.

[Styrmir Reynisson, 18.10.2010 kl. 21:29]

Þú ert ágætur Mofi

[Hjalti Rúnar Ómarsson, 19.10.2010 kl. 03:04]

Það er síðan að ég best veit fólki að kenna að það gengur illa að bjarga þessum kínversku námumönnum. 

Þannig að þegar fólki tekst að bjarga námumönnum, þá er það guði að þakka?

En þegar fólki tekst ekki að bjarga námumönnum, þá er það fólkinu að kenna?

[Mofi, 19.10.2010 kl. 09:13]

Styrmir, ekki svo slæmur sjálfur :)

Hjalti,  akkúrat, þú ert fljótur að læra :)

[Tinna Gunnarsdóttir Gígja, 19.10.2010 kl. 10:19]

Munið þið ekki eftir námaslysinu fyrir einhverjum árum? Fyrstu fréttir sögðu að allir nema einn hefðu bjargast, og fólk var fljótt að hlaupa upp og þakka Guði mildina. Svo kom í ljós að það var öfugt - allir nema einn létust - og hallelújahrópin þögnuðu all snögglega.

Það er Guð: takes all the glory and none of the shame.

[Mofi, 19.10.2010 kl. 10:28]

Tinna, hver væri þinn boðskapur til þeirra sem misstu ættingja í svona slysi?

[Hjalti Rúnar Ómarsson, 19.10.2010 kl. 10:50]

Mofi, en hvernig réttlætirðu það að þegar fólk bjargar námumönnum þá sé það guði að þakka, en þegar fólk nær ekki að bjarga námumönnum, þá sé það fólkinu að kenna?

[Mofi, 19.10.2010 kl. 11:05]

Hjalti, ég trúi því að kærleikur allra sé í rauninni gjöf frá Guði; þ.e.a.s. að kærleikur á ekki uppruna sinn meðal manna heldur kemur frá Guði. Þar af leiðandi er það kærleikur sem hvetur menn til að gera góða hluti en þegar menn neita að hlusta á samvisku sína og reyna ekki að bjarga þá er það ekki Guði að kenna að þeir hlusta ekki á Hann.

Vil samt ekki taka heiðurinn af því fólki sem bjargar, það á sannarlega heiður skilið.

[Tinna Gunnarsdóttir Gígja, 19.10.2010 kl. 17:20]

Tinna, hver væri þinn boðskapur til þeirra sem misstu ættingja í svona slysi?

 

Hvað meinarðu? Ætli hann væri ekki helst sá að hvetja aðstandendur til að reyna að þrýsta á að öryggismál yrðu endurskoðuð - hver væri þinn boðskapur? "Þetta gerðist af því fólk hlustaði ekki á Guð"?

[Mofi, 20.10.2010 kl. 09:08]

Tinna, minn boðskapur væri að þau geti haft von um að sjá ástvini sína aftur.

[Elín Árnadóttir (IP-tala skráð) 20.10.2010 kl. 12:38]

Þannig að þú ert í raun að segja að þegar ekki tekst að bjarga svona fólki þá er það vegna skorts á kærleik?

Það langar semsé engan að bjarga kínversku námumönnum...

Óttalega er þetta ljótur boðskapur hjá þér Mofi

[Mofi, 20.10.2010 kl. 12:44]

Elín, þetta er ekki neinn boðskapur heldur raunsætt mat á hvað er í gangi. Heldur þú að það sé ekki skortur á kærleika til þessara manna hve mikið er lagt í öryggi þeirra, aðstæður og síðan hve mikið er lagt í að bjarga þeim?  Getur vel verið að ég sé að rangmeta aðstæður þarna og ef einhver vill fræða mig um þær þá vill ég glaður hlusta.

[Tinna Gunnarsdóttir Gígja, 20.10.2010 kl. 15:52]

Og hvort heldurðu að hafi betri áhrif á heiminn, Mofi? Að segja fólki að ástvinir þeirra hafi kannske ekki dáið til einskis og að þau geti gert heiminn að betri stað svo færri missi sína nánustu í námaslysum, eða að segja þeim að bíða bara róleg þangað til þau deyji sjálf?

[Mofi, 20.10.2010 kl. 15:56]

Tinna, ég auðvitað vill líka hvetja fólk til þess að gera heiminn betri. En ef þú tekur burt vonina þá fyrir mjög marga verður allt mjög tilgangslaust og fyrir marga, tilgangslaust að reyna að gera heiminn betri.