Hættulega góða fólkið

Eitt af því sem mér finnst áberandi í umræðunni þessi misseri er fólk sem meinar vel en ef það fengi að ráða þá væri það stórhættulegt.  Þetta er hið svo kallaða góða fólk.  Það meinar vel en virðist ekkert hugsa til enda hvaða afleiðingar það sem það vill myndi hafa.  Tökum t.d. umræðuna um byssueign í Bandaríkjunum.  Í fyrsta lagi er lög sem hefta byssueign en stóra vandamálið er að það hefur misfarist oft að framfylgja þeim.  Í öðru lagi, hvaða valmöguleikar eru í stöðunni?  Segjum sem svo að ríkið einfaldlega bannaði byssur, hvað myndi þá gerast?  Er ekki lang líklegast að þá afhenti löghlýðnir borgarar byssurnar sínar en glæpamann og fólk sem dreymir um að fremja fjöldamorð héldi fast í sínar byssur.  Væri það betri staða?  

Það sem fólk gleymir líka er að það er ekki aðeins svona atburðir eins og skotárás í skólum sem skiptir máli heldur einni morðtíðni og þar standa Bandaríkin sig ekki svo illa.  Ef eitthvað er þá eru það ríkin í Bandaríkjunum sem hafa hörðustu reglur um byssur sem glíma við mestu vandamálin. 

Svo ég skil vel góða fólkið, það heldur að það hafi lausn á vandamálinu og það meinar vel en það er ekki að hugsa dæmið til enda. Það versta við þetta er þessi uppsetning, við erum góð af því að við höfum þessa skoðun, þið eruð vond og elskið byssur meira en börn af því að þið hafið aðra skoðun.  Virkilega viðbjóðslegur málflutningur þó maður auðvitað fyrirgefur þeim sem eru að syrgja að tala svona.  Margir sjá miklu frekar að það sem væri miklu líklegra til að bjarga fólki frá svona skotárás er að fólk sem starfar við skólana sé vopnað svo það geti varið sig ef svona kemur upp á.  Sem betur er fólk sem hefur þannig skoðanir ekki jafn klikkað og góða fólkið og reynir að láta sem svo að af því að það hefur þessa skoðun, þá er það kærleiksríkt og þyki vænt um börn og þeim sem eru þeim ósammála hata börn.

Að minnsta kosti, það þarf minni geðshræringu og meira vit í þessa umræðu. 

Elska þeir byssur meira en börn?