Tónleikar New England Youth Ensemble og Óperukórsins

New England Youth Ensemble er sinfóníu hljómsveit sem var stofnuð af Virgina-Gene Rittenhouse fyrir hátt í þrjátíu árum síðan. Hljómsveitin er skipuð aðalega ungu fólki og hefur spilað víða, þar á meðal í  Carnegie Hall í New York.

Miðvikudagskvöldið 12. ágúst nk. kl. 20.00 heldur Óperukórinn í Reykjavík og hljómsveitin New England Youth Ensemble tónleika í Skálholtsdómkirkju.

Stjórnandi er Garðar Cortes. Einsöngvarar eru Garðar Thór Cortes, Fjóla Kristín Bragadóttir, Ingibjörg Ólafsdóttir, Hallveig Guðmundsdóttir, Aron Axel Cortes og Bragi Jónsson. Tónleikarnir eru endurteknir daginn eftir í Langholtskirkju kl. 20.00. Aðgangur er ókeypis í Skálholti en í Langholtskirkju kostar kr. 3000.- inn á tónleikana.

Á tónleikunum mun kórinn og hljómsveitin flytja The Vision of the Apocalypse eftir Rittenhouse. Ég heyrði þau spila í Aðvent kirkjunni síðasta hvíldardag og það var virkilega flott. Sé eftir því að hafa ekki reynt að auglýsa þann viðburð en núna reyni ég að bæta fyrir það.