Hverjar eru lífslíkur klámstjarna og vændiskvenna?

Frelsið er yndislegt eins og Ný dönsk söng og það er mér mjög dýrmætt. Að setja öðrum skorður í því hvernig hann eða hún vill lifa er hættuleg braut og sérstaklega þegar kemur að samviskufrelsinu.  

En okkar samfélag hefur vald til að ákveða hvers konar samfélag það er, þeir sem vilja öðru vísi samfélag eiga þá möguleika að fara eða fara í framboð og reyna að breyta samfélaginu. Þegar ég stend frammi fyrir því að meðal aldur vændiskvenna er 34 ára þar sem flestar deyja ekki af náttúrulegum orsökum þá kemur vændi mér fyrir sjónir eins og lögleg leið til að myrða fólk. Hérna er rannsóknin sem komst að þessum meðal aldri: Mortality in a Long-term Open Cohort of Prostitute Women 

Margir héldu fram að meðal aldur klámstjarna væri 37 ár en ég var ekki að finna áreiðanlegar heimildir fyrir því.

Ég tel að eina rétta nálgunin á vændi er að líta á að það er okkar skylda að reyna að hjálpa konum að komast út úr vændi og hvaða forvarnir sem við getum gert til að koma í veg fyrir að stúlkur leiðist út í þetta. Ein af stærstu leiðunum er að samfélagið líti ekki á vændi sem eðlilegan hlut og að afglæpavæða vændi er skref í að gera lítið úr því vandamáli sem vændi er.

Vændi nær þrælahaldi en starfsgrein