Kraftaverkin í musteri Guðs

Það er virkilega áhugavert að í heimildum gyðinga þá er þar sagt frá atburðum sem gerðust 30 e.kr. í musterinu í Jerúsalem.  Guð hafði sett á stofn musteri í Jerúsalem þar sem prestar framkvæmdu fórnir sem bentu til Jesú Krists.

Hérna er stutt myndband sem sýnir hvernig musterið var.

 

 

 

Í Talmúdinum sem er kenndur við Jerúsalem stendur þetta:

 

Jacob Neusner, The Yerushalmi, p.156-157
Forty years before the destruction of the Temple, the western light went out, the crimson thread remained crimson, and the lot for the Lord always came up in the left hand. They would close the gates of the Temple by night and get up in the morning and find them wide open 

 

Svipað er að finna í Babýlóníska Talmúdinum.

 

Soncino version, Yoma 39b
Our rabbis taught: During the last forty years before the destruction of the Temple the lot ['For the Lord'] did not come up in the right hand; nor did the crimson-colored strap become white; nor did the western most light shine; and the doors of the Hekel [Temple] would open by themselves".

 

Musterið var eyðilagt 70 e.kr. þannig að þessir atburðir byrjuðu að gerast 30 e.kr. eða eftir að Jesús var krossfestur.

Skoðum aðeins nánar hvað þeir sögðu að heðfi byrjað að gerast 30 e.kr.

Hlutkestið

Einu sinni á ári var Friðþægingardagurinn mikli eða "Yom Kippur". Á þeim degi voru tvö fórnardýr og það var kastað upp hlutkesti milli þess hvort dýrið yrði "frá Guði" eða væri "Azazel" sem það dýr var leitt út í eyðimörkina frá samfélaginu. Sagan segir að fólkið var byrjað að leiða það að klettabjörg og reka það fram af bjarginu svo það væri alveg víst að það kæmi aldrei aftur.

Í fjörtíu ár, fyrir eyðileggingu musterisins þá þegar æðsti presturinn kastaði hlutkestinu þá kom alltaf upp svarti steininn sem táknaði Azazel dýrið. Líkurnar á þessu eru stjarnfræðilegar.  Gyðingar á þessum tíma túlkuðu þetta sem mjög slæman fyrirboða um að eitthvað hræðilegt væri að fara að gerast.

Rauði borðinn

Á friðþæginda deginum mikla þá var bundinn rauður borði bundinn við Azazel geitina og hluti af borðanum var bundinn við hurð musterisins. Eftir að æðsti presturinn fór inn í hið allra heilaga og búið að kasta hlutkestinu og reka dýrið út í eyðimörkina þá ef að Guð samþykkti fórnina þá varð rauði borðinn hvítur sem tákn um að Guð hefði fyrirgefið Ísrael.

Jesaja 1
18 Komið, eigumst lög við! _ segir Drottinn. Þó að syndir yðar séu sem skarlat, skulu þær verða hvítar sem mjöll. Þó að þær séu rauðar sem purpuri, skulu þær verða sem ull.

Í gegnum aldirnar þá gerðist þetta oft en 30 e.kr.  þá hætti þetta að gerast og eins með hlutkestið þá olli þetta yfirvöldum áhyggjum. Fólk skildi þetta þannig að Guð væri ekki lengur að fyrirgefa þjóðinni og vildi vita hvað hafði breyst. 

Musteris hurðin

Næsta kraftaverk sem Talmúdinn viðurkennir er að musteris dyrnar opnuðust hverja nótt af sjálfu sér. Þetta gerðist í fjörtíu ár eða frá 30 e.kr. til 70 e.kr. þegar musterið var eyðilagt af Róm. Aðal leiðtogi gyðinga á þessum tíma skildi þetta sem merki um yfirvofandi eyðileggingu, við lesum í Talmúdinum þetta:

Sota 6:3
Said Rabban Yohanan Ben Zakkai to the Temple, 'O Temple, why do you frighten us? We know that you will end up destroyed. For it has been said, 'Open your doors, O Lebanon, that the fire may devour your cedars' " (Zechariah 11:1)'.

Menorah

Í musterinu, í hinu heilaga þá var ljósastika og eitt af ljósunum á henni var kölluð "Menorah".  Það var ljósið í miðju stikunni og var það mikilvægasta og prestarnir höfðu þá skipun að það ætti alltaf að loga. Þeir áttu að passa að það væri ævinlega næg olía svo að loginn slokknaði aldrei því hann táknaði anda Guðs og nærveru Hans í musterinu. Eftir 30 e.kr. þá slokknaði á hverju nótti þetta ljós, sama hvað prestarnir reyndu að passa upp á það.   

 

Gyðingar ættu að spyrja sig, af hverju þeirra heimildir segja þetta. Hvað gerðist árið 30 e.kr. sem lét Guð sýna sína vanþóknun á musterinu og fórnunum?  Fyrir mig er rökréttasta útskýringin að lamb Guðs hafði verið fórnað, Jesú hafði afnumið fórnarkerfið á krossinum. Eftir þetta tók Jesú til starfa í hinu himneska musteri og Guð skildi hið jarðneska eftir tómt; allt þar til það var eyðilagt, 70 e.kr. af Róm. Jesús talaði um þennan atburð:

Matteus 23
37 Jerúsalem, Jerúsalem! Þú sem líflætur spámennina og grýtir þá, sem sendir eru til þín! Hversu oft vildi ég safna börnum þínum, eins og hænan safnar ungum sínum undir vængi sér, og þér vilduð eigi.
38 Hús yðar verður í eyði látið.