Eru þeir sem eru á móti dauðarefsingum, fylgjandi fóstureyðingum?

Þetta er bara spurning, ég veit ekki svarið.  Ég þekki fólk sem er einmitt hlynnt fóstureyðingum en síðan á móti dauðarefsingum og... mér finnst það dáldið klikkað.  Vera á þeirri skoðun að barn sem hefur ekki gert neitt rangt, að vilja drepa það en síðan maður eða kona sem hefur valið að gera eitthvað svo rangt, eins og að drepa aðra manneskju að það sé ekki réttlætanlegt að taka þann aðila af lífi.

Mér finnst þetta alveg glórulaust og alveg laust við eitthvað sem mætti kalla réttlátt eða kærleiksríkt.

Tveir teknir af lífi

Athugasemdir

[Jón Þórhallsson, 13.11.2013 kl. 12:20]

Lífið er ekki ekki svona svart og hvítt eins og þú stillir þvi upp; það verður að vega og meta hvert skipti fyrir sig.

[Mofi, 13.11.2013 kl. 12:53]

Þetta er svört og hvít uppstilling en svona í flestum tilfellum þá er þetta staðan. Viðkomandi sem er tekinn af lífi er einstaklingur sem hefur drepið og barnið sem er drepið er einfaldlega til óþæginda. Mér finnst ekki hjálplegt í svona umræðu einhver jaðar tilfelli eins og það er verið að taka mann af lífi fyrir að selja fíkniefni eða kona sem er ólétt vegna nauðgunar eða líf hennar er í hættu. Ég myndi t.d. hiklaust segja að ef valið er milli líf barnsins eða móðurinnar þá er fóstureyðing hið rétta val.

[Skeggi Skaftason, 13.11.2013 kl. 12:57]

Ég þekki fólk sem er einmitt hlynnt fóstureyðingum

Ég þekki ENGAN sem er "hlynntur fóstureyðingum". En ég þekki marga sem eru hlynntir RÉTTI kvenna til að ráða sjálfar yfir SÍNUM líkama.

(Fóstur (sérstaklega á fyrstu vikum meðgöngu) er EKKI sjálfstæður einstaklingur.)

[Mofi, 13.11.2013 kl. 14:02]

Ég á auðvitað við að vera hlynntur rétti kvenna til að fara í fóstureyðingu.

Ég er síðan ekki hrifinn af orðinu "fóstur" því mér finnst það vera tilraun til að taka burt að um er að ræða mannveru.

[Skeggi Skaftason, 13.11.2013 kl. 16:31]

Hvernig skilgreinir þú "mannveru"??

Ég hef séð myndir af þriggja daga fósturvísum, ég hef séð hjarstlátt í sónar hjá 6-7 vikna fóstri.

Það vakti vissulega upp miklar tilfinningar. En það var ekki MANNESKJA. það var fóstur.

Fólk sem getur ekki gert greinarmun á þessu hefur ekki forsendur til að ræða erfið viðfangsefni eins og fóstureyðingar.

[Hjalti Rúnar Ómarsson, 13.11.2013 kl. 17:56]

Mofi. Myndirðu kalla okfrumu (þeas ein fruma, eggfruman+sæðisfruma) barn?

[Mofi, 14.11.2013 kl. 09:29]

Skeggi, þetta er svona ýkt dæmi sme að mínu mati gerir ekkert fyrir umræðuna. Miklu frekar tala um hvað er um að ræða þegar flestar fóstureyðingar eru framkvæmdar.

Hjalti, nei ég myndi ekki gera það. Ég held ég verði að taka til baka þetta með fóstur, að því leiti að það er eðlilegt að tala um fóstur á ákveðnu tímabili. Ég er aðalega ekki hrifinn af orðinu þegar því er beitt á lífveru sem augljóslega er mennsk, með hjartslátt og aðra starfsemi til að draga úr því sem er raunverulega, verið að gera.

[Skeggi Skaftason, 14.11.2013 kl. 13:01]

Nei það er ekki "ýkt" dæmi að tala um fóstur á 6. til 8. viku meðgöngu.

En það er rétt hjá, fóstur er "mennskt fyrirbæri" - INNI Í ANNARRI MANNESKJU.

[Mofi, 14.11.2013 kl. 15:14]

Mér finnst það. Hérna er hægt að skoða barnið eftir hve gamalt það er: http://www.babycenter.com/fetal-development-week-by-week

Ef þú ert ósammála þá endilega vertu á þeirri skoðun en ég er einfaldlega ósammála.

[Skeggi Skaftason, 15.11.2013 kl. 10:32]

Ég skil þig ekki alveg.

Hvað finnst þér vera "ýkt"? Um hvað erum við ósammála?

Linkurinn þinn er fínn. Þar sést t.d. hvernig 8 vikna fóstur lítur út. Ekki beint eins og fullsköpuð manneskja eins og ég og þú. Eiginlega miklu líkara margvíslegum öðrum dýrafóstrum snemma á fósturskeiði, heldur en manneskju.

Ekki myndirðu segja að nokkurra vikna músafóstur væri manneskja?

[Mofi, 15.11.2013 kl. 13:10]

Spurning hvort við séum svo ósammála. Mér finnst aðalega að menn noti orðið fóstur til að gera minna úr því sem er verið að gera. En ég get síðan ekki neitað því að orðið fóstur er meira viðeigandi á ákveðnu tímabili en barn en við svo sem erum dáldið að láta hið sjónræna hafa mikil áhrif á okkur því óneitanlega er það sem þarna um ræðir á leiðinni að verða barn og síðan manneskja.

[Óli Jón, 1.12.2013 kl. 15:31]

Skondið:

"Vera á þeirri skoðun að barn sem hefur ekki gert neitt rangt, að vilja drepa það ..."

Ég hugsa einmitt um þetta þegar Nóaflóðið ber á góma.

[Mofi, 3.12.2013 kl. 08:16]

Sérðu engan mun á seku fólki og saklausu? Sérðu engan mun á því að Guð dæmi eða einhver maður dæmir?