Er Google að stuðla að einangrun?

Ég horfði á skemmtilegan fyrirlestur á TED í gær sem fjallaði um það sem er að gerast á mörgum vefum eins og t.d. google, amazon, yahoo news, youtube og fleirum.  Vefirnir nota flókna leitar algrím til að læra á sérhvern notanda til að láta hann fá efni sem talið er líklegt að hann vilji skoða.  Persónulega hef ég haft gaman af þessu þar sem ég er oft að rekast á bækur og myndir sem ég vissi ekki af en voru mjög áhugaverðar fyrir mig.  Hættan aftur á móti sem skapast er að maður getur byrjað að lifa í heimi út af fyrir sig. Þar sem maður rekst ekki á upplýsingar sem eru mikilvægar af því að þær eru filteraðar út af svona tölvu algrímum.  Ég held að við erum ekki komin á þann stað að google stuðli að einangrun með því að filtera út upplýsingar, kannski bara mín vanþekking en ég er sammála því að hættan er til staðar.

Mjög forvitnilegt efni: http://www.ted.com/talks/eli_pariser_beware_online_filter_bubbles.html

Milljarður „googlaði" í maí

Athugasemdir

[Guðsteinn Haukur Barkarson, 23.6.2011 kl. 10:59]

ömm .. Dóri minn, þú hefur ekki athugað að um samsæriskenningu sé að ræða?

[Mofi, 23.6.2011 kl. 11:07]

Maðurinn sem hélt fyrirlesturinn, Eli Pariser hafi verið að ýja að því að um samsæri væri að ræða... ég hafði ekki hugsað þetta út frá þeim vinkli heldur.  Það samt er engin spurning að fjölmiðlar almennt velja hvaða fréttir við sjáum og jafnvel lita þær sem við sjáum til að móta okkar viðhorf. Alls staðar í kringum okkur sjáum við þessa baráttu til að fá fólk hafa ákveðnar skoðanir. Ég gerði tilraun til að horfa á þáttaröðina "Glee" en heilaþvotturinn sem þar var á ferð var aðeins of áberandi til að leggja það á mig. Hvað þá MTV taktíkina sem virðist reyna að búa til skoðanalausa kynslóð.

Nóg hérna til að hugsa um og varast.

[Óli Jón, 24.6.2011 kl. 10:07]

Góður pistill! Hvort sem um samsæri er að ræða eða ekki, þá er þessi þróun óheillavænleg. Við sjáum stöðugt meira af fréttum sem okkur 'líkar' á meðan hinar birtast síður og því verður sýnin á heiminn bjöguð. Hugmyndin um að sníða frétta- og upplýsingastrauma að áhugasviðum hvers og eins er góð í sjálfri sér, en mig grunar að útkoman verði dapurleg þegar við endum á að sjá bara eitt sjónarmið, okkar, en lítið sem ekkert af öðru.

Í það minnsta ætti að gefa fólki kost á því að hafa áhrif á stillingarnar þannig að við getum ákveðið sjálf hvernig leitarvélar sía og vinna þær upplýsingar sem okkar birtast.

[Mofi, 24.6.2011 kl. 11:32]

Takk Óli. Hittir naglann á höfuðið. Kannski er þetta möguleiki með leitarvélarnar þó mig grunar að jafnvel ef það væri þannig þá væri aðeins lítil prósenta af almenningi sem myndi hafa fyrir því að breyta þessum stillingum. Kannski væri hægt að hafa einhverja reglu að einhver prósenta af niðurstöðum væri öðru vísi en prófíllinn segir að einstaklinginum líkar vel við...