Gallinn við samstarf við Sjálfstæðisflokkinn

Það ætti að vera öllum ljóst að sá flokkur sem fer í samstarf við Sjálfsstæðisflokkinn er að leika hættulegan leik. Það eru ótal dæmi þar sem flokkar fara í samstarf við Sjálfsstæðisflokkinn að þá næstu kosningar þá hefur fylgi þess flokks hrunið en fylgi Sjálfsstæðisflokksins helst alltaf nokkuð hið sama.

Ég upplifi mig sem frekar mikið til hægri í þeim skilningi að ég vil að ríkið skipti sér sem minnst af fólki og fyrirtækjum.  Þar er eins og ég á samleið með Sjálfsstæðisflokknum hérna en þegar kemur að framkvæmd þá hegðar Sjálfsstæðisflokkurinn oft eins og versti kommúnista flokkur eins og að selja eignir ríkisins til einkavina á spottprís. Eða þeirra vörn á kvótakerfinu sem er bara eins og lénskerfi miðalda. Ríku fólki gefin fiskurinn í sjónum svo myndast ættir sem eiga fiskinn í sjónum og svo fær það verkamenn til að vinna við að ná í fiskinn.

Það verður forvitnilegt að sjá hvers konar stjórn við fáum í þetta skiptið og hvaða flokkur er til að deyja hægum dauðdaga með því að fara í rúmið með Sjálfsstæðisflokknum.

Ekki klár með meirihluta